Guðríður Gísladóttir, Kópavogsbúi til margra ára, hefur fært Náttúrufræði- stofu Kópavogs myndarlegt steina- safn að gjöf, sem mikill fengur er að.
Steinunum söfnuðu hún og eiginmaður hennar, Haukur heitinn Einarsson, víða um land. Um er að ræða gott úrval kristalla og annarra steina en einnig fylgdu dýrmætar upplýsingar um fundarstaði sem oft vilja týnast eða gleymast í söfnum af þessu tagi.
Í safninu er m.a. mjög gott eintak af steingerðum trjábút úr jaspis ásamt óvenju góðu eintaki af steingerðri skel með sykurbergi. Steinagjöfin verður væntanlega til sýnis á Kópavogsdögum í maí, en einnig stendur til að sýna ýmis verk sem Haukur vann í stein. Haukur var listfengur og leikinn í höndunum og eftir hann liggja athyglisverðir munir úr steini, beini og tré sem vert er að sýna opinberlega.
Guðríður Gísladóttir, Kópavogsbúi til margra ára, færði um daginn Náttúrufræðistofu Kópavogs að gjöf myndarlegt safn steina og kristalla sem hún og eiginmaður hennar, Haukur heitinn Einarsson, höfðu safnað víðs vegar að af landinu. Að sögn Hilmars J. Malmquist forstöðumanns Náttúrufræðistofunnar er góður fengur að gjöfinni. „Safnið er ekki stórt en úrval kristalla er mjög gott og auk þess fylgdu dýrmætar upplýsingar um fundarstaði sem oft vilja týnast eða gleymast í söfnum af þessu tagi“.
Í safninu er m.a mjög gott eintak af steingerðum trjábúti úr jaspisi og stórt og óvenju gott eintak af steingerðri skel með sykurbergi. Steinagjöfin verður til sýnis á Kópavogsdögum í maí, en einnig stendur til að sýna ýmis verk sem Haukur vann í stein. „Haukur var listfengur og leikinn í höndunum og eftir hann liggja athyglisverðir munir úr steini, beini og tré sem vert er að sýna opinberlega“, segir Hilmar.
27
nóv
