Náttúrufræðistofa Kópavogs mun sýna myndina Jane Goodall, líf mitt með simpönsum í fjölnotasal Náttúrufærðistofunnar að Hamraborg 6a næstkomandi laugardag 17. september. Í myndinni segir frá Goodall og öpunum hennar í Gombe Stream National Park í Tansaníu. Sýningin er liður í fjölskyldustundum Menningarhúsanna í Kópavogi og hefst kl. 13:00. Íslenskur texti og þulur.
Sýningin er liður í fjölskyldustundum Menningarhúsanna í Kópavogi og hefst kl. 13:00. Í júní í sumar kom breski náttúrufræðingurinn Jane Goodall í heimsókn til Íslands. Hún er mjög þekkt fyrir rannsóknir sýnar á atferli simpansa þar sem hún sýndi fram á að fleiri dýr en maðurinn geta sýnt og borið margbreytilegar tilfinningar. Goodall hefur verið óþreytandi við að boða bætt samskipti manna við önnur dýr á jörðinni og í því skyni rekur hún stofnun Jane Goodall. Meðal verkefna hennar er einnig hreyfing sem kallast Roots & Shoots þar sem ungt fólk um allan heim fræðist og miðlar fróðleik náttúruvernd í víðum skilningi.Í heimsókn sinni í sumar hélt Goodall fyrirlestur í Háskólabíói og hitti ungmenni sem voru að vinna að margvíslegum verkefnum tengdum náttúrufræði. Krakkar á sumarnámskeiði Náttúrufræðistofunnar voru svo heppin að fá að hitta hana og segja frá hvað þau höfðu lært og fengið að vinna með. Stóðu þau sig með mikilli prýði.
22
des
