Náttúrufræðistofu Kópavogs barst fyrir rúmi ári síðan myndarleg steinagjöf úr dánarbúi Ólínu Sigurðardóttur og Dags Daníelssonar á Álfhólsvegi 82.
Frumkvæði að gjöfinni áttu sonurinn Daníel Dagsson og Guðlaug Snorradóttir. Steinasafnið hefur nú verið flokkað og skráð. er um að ræða stórt og gott safn steina, með um 200 eintökum víðs vegar að af landinu og nokkrum mjög góðum eintökum af hrafntinnu og geislasteinum. Steinarnir voru tíndir á ferðalögum fjölskyldunnar um landið að sögn Daníels.
Náttúrufræðistofu Kópavogs barst fyrir rúmi ári síðan myndarleg steinagjöf úr dánarbúi Ólínu Sigurðardóttur og Dags Daníelssonar á Álfhólsvegi 82. Frumkvæði að gjöfinni áttu sonurinn Daníel Dagsson og Guðlaug Snorradóttir. Steinasafnið hefur nú verið flokkað og skráð. Að sögn Hilmars J. Malmquist, forstöðumanns Náttúrufræðistofunnar, er um að ræða stórt og gott safn steina, með um 200 eintökum víðs vegar að af landinu og nokkrum mjög góðum eintökum af hrafntinnu og geislasteinum.
Steinarnir voru tíndir á ferðalögum fjölskyldunnar um landið að sögn Daníels. „Steinarnir heilluðu, litirnir og kristallarnir og svo var svo spennandi að finna eitthvað fallegt úti í náttúrunni“ sagði Guðlaug sem á sitt eigið steinasafn. Hilmar segir að Náttúrufræðistofan eigi fyrir ágætt safn steina frá fyrri tíð, m.a. gjöf frá Axel Kaaber á níunda áratug síðustu aldar, en að ávallt sé fengur að góðum steinum til viðbótar. „Hjá vísinda- og fræðslustofnum eins og Náttúrufræðistofunni skiptir miklu máli að eiga gott úrval af steinum, bæði mismunandi tegundir og ekki síður ólík afbrigði sömu tegundar. Fundarstaður skiptir t.d. miklu máli og veitir upplýsingar um kringumstæður og myndunarsögu landsins og því er akkur í því fyrir náttúrugripasöfn að eiga eintök af sömu tegund frá fleiri en einum stað“ segir Hilmar.
22
des
