Veist þú hvað hrafn, rjúpa, snjótittlingur og æðarfugl eiga sameiginlegt? En tjaldur, lóa, kría, æðarfugl og sandlóa?
Á safnanótt mun Sölvi Rúnar Vignisson líffræðingur fræða börn um fugla, ferðalög sumra og kyrrsetu annarra. Af rúmlega 80 tegundum fugla sem teljast íslenskar er stærstur hluti þeirra farfuglar, þó eru einnig tegundir sem þreyja veturinn hér ár eftir ár. Hvernig stendur á því að sumir kjósa að fara á meðan aðrir halda kyrru fyrir?
Gestir geta svo tekið þátt í laufléttum spurningaleik og þeir sem skila inn spurningunum eiga möguleika á því að vinna Fuglaspilið eftir Hespu.
Sölvi er brunnur þekkingar þegar kemur að farkerfum fugla og hafa þær verið viðfangsefni rannsókna hans síðustu ár.
Viðburðurinn fer fram í anddyri Náttúrufræðistofu Kópavogs og er tilvalin fjölskyldustund fyrir börn og fullorðna 6 ára og uppúr!
Aðgangur er ókeypis!
Öll hjartanlega velkomin!
Viðburðurinn er liður í dagskrá Safnanætur í Kópavogi sem styrkt er af Menningar- og mannlífsnefnd Kópavogsbæjar.
