Það haustaði snemma þetta vorið...

15. apríl 2004

...eða svo mætti ætla miðað við gest sem okkur var að berast. Um var að ræða skrautyglu, fiðrildi sem er nokkuð algengur flækingur á haustin.

Samkvæmt Erling Ólafssyni, Skordýrafræðingi á Náttúrufræðistofnun, er þetta þriðja fiðrildið af þessari tegund sem finnst á höfuðborgarsvæðinu nú í vor. Því vaknar upp sú spurning hvort þau hafi lifað veturinn af, en fram til þesa hefur ekki verið lífvænlegt fyrir þessa tegund hér á landi. Þess má geta að síðastliðið haust barst nokkuð af þessum fiðrildum til landsins. Vera má að einhver þeirra hafi lagst í dvala og lifað af sl. vetur, sem var í mildara lagi.