Fyrra sumarnámskeiði NatKop lokið

11. júní 2004

Nú er fyrra sumarnámskeiðinu lokið og upp úr stendur hve heppin við vorum með veður. Að vanda voru krakkarnir leystir út með viðurkenningarskjali og myndadiski. Enn er laust pláss á seinna námskeiðið sem verður 21-25 júní næstkomandi.

Á þessu námskeiði var fyrirlestrum og myndbandssýningum blandað saman við skoðunar- og sýnatökuferðir. Unnið var úr því sem safnaðist á rannsóknastofu okkar, þar sem plöntur og dýr voru greind til tegunda og hópa og skoðuð í víðsjá. Krakkarnir héldu vinnubók og fengu smjörþefinn af vísindalegum vinnubrögðum, s.s. Að skrá athuganir sínar og það sem fyrir augu bar. Þau höfðu orð á því að það kæmi á óvart hve fjölbreytt dýra- og plöntulíf væri að finna hér innan þéttbýlisins og að ekki þyrfti að fara lengst upp í sveit til að finna t.d. Fjölbreittan plöntugróður.

Stafrsfólk Náttúrufræðistofunnar þakkar áhugasömum og hressum krökkum fyrir skemmtilegt námskeið.