Jólahátíð í Kópavogi

27. nóvember 2008

mynd172.jpgLaugardaginn 29. nóvember verður haldin jólahátíð í Kópavogi á Hálsatorgi og í nærliggjandi menningarstofnunum. Kópavogsbúum og öðrum gestum er meðal annars boðið að taka þátt í laufabrauðsbakstri, hlusta á jólasöngva, fræðast um jólaköttinn og tendra á jólaljósunum á vinarbæjarjólatré Kópavogsbúa. Í Safnahúsinu bjóða Bókasafnið og Náttúrufræðistofan upp á vinsæla ævintýrið um Jólaköttinn fyrir 4-6 ára krakka.

Laugardaginn 29. nóvember verður jólahátíð í Kópavogi á Hálsatorgi og í nærliggjandi menningarstofnunum. Kópavogsbúum og öðrum gestum er meðal annars boðið að taka þátt í laufabrauðsbakstri, hlusta á jólasöngva, fræðast um jólaköttinn og tendra á jólaljósunum á vinarbæjarjólatré Kópavogsbúa. Undanfarin ár hefur myndast sannkölluð fjölskyldustemning þennan dag enda höfðar dagskráin til allra aldurshópa.

Gjábakki Laufabrauðsdagur 13:00 Handverksmarkaður opnaður 13:00 Laufabrauðsbakstur – Hægt að kaupa kökur á kostnaðarverði en koma þarf með áhöld og bretti. Þetta er tilvalið tækifæri til að læra handtökin við laufabrauðsskurð sem er eins og allir vita forn siður. Þeir sem ekki kunna listina geta lært af þeim sem eldri og fróðari eru. 14:30 Samkór Kópavogs 15:30 Karlakór Kópavogs 16:15 Skólahljómsveit Kópavogs Heitt súkkulaði og heimabakkelsi til sölu á vægu verði.

Safnahús – Bókasafn Kópavogs og Náttúrufræðistofa Jólaævintýri og fróðleikur 15:00 Jólakötturinn í Safnahúsinu. Skemmti- og fræðsluerindi um jólaköttinn í máli og myndum fyrir 4–6 ára krakka. Slóð hans rakin um safnahúsið og lesin skemmtileg jólasaga. Þá eru góðar líkur á því að sjálfur jólakötturinn mæti á staðinn og heilsi upp á krakkana. Dýrin á Náttúrufræðistofunni klæðast í jólabúningi. Nýjar og gamlar jólabækur eru til útláns í Bókasafninu.

Hálsatorg Tendrað á vinarbæjarjólatré 16:00 Skólahljómsveitin spilar jólalög 16:10 Sendiráðunautur Svíþjóðar afhendir vinabæjarjólatréð frá Norrköping 16:15 Forseti bæjarstjórnar tekur á móti jólatrénu fyrir hönd Kópavogsbæjar 16:20 Samkór Kópavogs syngur jólalög 16:30 Jólaálfurinn galdrar fram skemmtiatriði 16:40 Jólasveinar koma við og taka lagið 17:00 Dagskrá lokið

Skólakór Kársness býður gestum og gangandi upp á syngjandi kakó og piparkökur.

Gerðarsafn Aðventusýning 11:00- 17:00 Aðventusýning úr safnaeigninni: Lífshlaup Jóhannesar Kjarvals, skúlptúrar, málverk og vatnslitamyndir eftir íslenska myndlistarmenn. Aðgangur ókeypis - Leiðsögn um safnið klukkan 15 - Jólalegt í kaffistofu: Piparkökur, kakó og glögg.

Salurinn Sönglist 17:00 Töfrar í tíbrá - Söngtónleikar í Salnum: Auður Gunnarsdóttir, Gunnar Guðbjörnsson og Jónas Ingimundarson flytja söngva eftir Richard Strauss og aríur og dúetta eftir Bizet, Offenbach, Smetana og Wagner. Miðasala er hafin. Miðaverð 3900 kr.

Molinn 17:00 Jólin koma í Hálsaskógi eins og annars staðar og Hérastubbur og Bakaradrengurinn eru í óðaönn að baka piparkökur fyrir jólin. Mikki refur mætir að sjálfsögðu á svæðið og reynir að stela góðgætinu frá þeim félögunum. Nemar frá Landbúnaðarháskólanum að Reykjum í Ölfusi verða með ýmsan varning til sölu í Molanum. Má þar nefna jólastjörnur, skreyttar bergfléttur og fleira.

Myndlistarmenn Listamenn og hópar með opnar vinnustofur frá 14 til 17 alla laugardaga á aðventu. Norm-X húsið Auðbrekku 6, 2. og 3. hæð Art-11, Auðbrekku 4, 3. hæð Jónas Bragi glerlistamaður, Auðbrekku 7 Stúdíó Subba, Hamraborg 1 Örn Sigurðsson myndskeri, Hamraborg 1

Allir velkomnir – heitt á könnunni. Bæjarbúar, raunar landsmenn allir, eru hvattir til að koma og njóta jólahátíðar Kópavogsbæjar.