Skráning hafin á sumarnámskeið

22. maí 2009

Í júní verður boðið upp á tvö vikunámskeið í náttúrufræðum fyrir krakka sem fædd eru á árunum 1997– 1999. Markmið námskeiðsins er að efla þekkingu í náttúrufræðum og veita þátttakendum innsýn í vísindaleg vinnubrögð. Farið verður í vettvangsferðir og m.a. rannsakað vatna- og fjörulífríki í Kópavogi og nágrenni. Á rannsóknastofu verða sýni mæld og skoðuð í smásjá og haldnar vinnubækur.

mynd83.jpg

1. námskeið: 8. – 12. júní (fimm dagar). Námskeiðið stendur yfir milli kl. 10 – 15 hvern dag og mæta þátttakendur með nesti, stígvél og hlífðarföt. Leiðbeinendur verða starfsmenn á Náttúrufræðistofunni. Námskeiðsgjald er 7.000 kr. (5.000 kr. fyrir systkini). 2. námskeið: 15. – 19. júní (fjórir dagar). Námskeiðið stendur yfir milli kl. 10 – 15 hvern dag að 17. júní frátöldum og mæta þátttakendur með nesti, stígvél og hlífðarföt. Leiðbeinendur verða starfsmenn á Náttúrufræðistofunni. Námskeiðsgjald er 5.600 kr. og greiðist við innritun. (4.000 kr. fyrir systkini). Innritun fer fram á Náttúrufræðistofu Kópavogs milli kl. 10 og 16 fram til 5. júní. Athugið að fjöldi þátttakenda takmarkast við 12 krakka á hvoru námskeiði.