Aðventan 2010 gengin í garð

06. desember 2010

Á Náttúrufræðistofunni hefur skapast sú hefð að í stað hefðbundinna jólaskreytinga setja gripir safnsins upp jólasveinahúfur. Þetta gefur safninu hlýlegan og jólalegan svip og vekur ævinlega mikla lukku, sérstaklega hjá yngri gestum safnsins.

mynd138.jpg

Undanfarna daga hefur sést til jólakattarins í safnahúsinu, en eins og flestir vita þá eiga þeir sem ekki fá nýja flík fyrir jólin á hættu að lenda í klóm hans. Því eru jólahúfurnar sérlega mikilvægar að þessu sinni því engin vill að safngripir stofunnar lendi í jólakettinum.