Náttúrufræðistofan á Vísindavöku

21. september 2011

Föstudaginn 23. september n.k. verður Vísindavaka Rannís haldin í Háskólabíói. Dagskráin stendur frá kl 17:00 - 22:00 og stefnir í að verða mjög fjölbreytt. Eins og undanfarin ár mun Náttúrufræðistofa Kópavogs taka þátt og kynna starfsemi sína í máli og myndum.

Að þessu sinni verður verður gerð sérstök grein fyrir þeim rannsóknum sem Náttúrufræðistofan hefur stundað á Þingvallavatni, með áherslu á árstíðabundnar breytingar á vatnshita, en slíkar breytingar hafa m.a. mikil áhrif á aðstæður sviflífvera í vatninu. Þá verður athygli beint að hitaskilum sem myndast í vatninu að sumarlagi þegar efstu lög vatnsins hlýna, en á slíkum skilum geta undarlegir hlutir átt sér stað..!

20110922103343990505.jpg