Ormadagar

21. maí 2015

Í næstu viku brestur á með Ormadögum, barnamenningarhátíð í Kópavogi. Fjölbreytt dagskrá verður í boði í menningarhúsum Kópavogs sem ætluð er börnum í leikskólum og fyrstu bekkjum grunnskólanna. Leikskólabörn munu koma í Safnahúsið og fræðast um orma hjá starfsmönnum Náttúrufræðistofu og fara svo í barnadeild Bókasafnsins og hlusta á ormasögu. Fjölskylduhátíðin var einnig haldin í fyrra og þá var slegið aðsóknarmet að svæðinu og skemmtu gestir sér afar vel.

20150521181502412655.jpg

Laugardaginn 30. maí verður haldin mikil fjölskylduhátíð þar sem Náttúrufræðistofa verður með allskonar orma til sýnis, í Bókasafninu verður boðið uppá flugdrekasmíði, barnasmiðja verður í Gerðarsafni, tónleikar í Salnum og dans í Tónlistarsafninu, svo eitthvað sé nefnt. Allir eru velkomnir og ókeypis er á alla viðburði. 

Verið velkomin á fjölskylduhátíð Ormadaga laugardaginn 30. maí frá kl 12 - 18. Margskonar viðburðir í menningarhúsunum og leikir og leiktæki á túninu vestan Safnahússins.

20150521184236229244.jpg