Safnanótt - takk fyrir okkur

07. febrúar 2018

Safnanótt 2018 tókst afar vel. Alls sóttu um 1400 gestir Safnahúsið heim á þessum fimm tímum!  


Viðburðir Náttúrufræðistofunnar tókust allir með ágætum. Óhætt er að segja að plastbásinn, þar sem fræðast mátti um plast í umhverfinu, hafi slegið í gegn hjá öllum aldurshópum og sköpuðust  fjörugar umræður um viðfangsefnið. Fjölmargir höfðu á orði að kynning af þessu tagi væri það sem þyrfti til að fólk tengdist viðfangsefninu og það að sjá með eigin augum plastþræði og -agnir úr flíspeysum og snyrtivörum opnaði augu þess fyrir vandamálinu.

Starfsfólk Náttúrufræðistofunnar þakkar gestum sínum innilega fyrir að koma og gera kvöldið svona skemmtilegt.